युनिकोड
सांग्रिला मोटर्स प्रा. लि. को अधिकृत वितरक श्रीजा अटोमोबाइल्स प्रालिले विराटनगरमा आफ्नो विशेष एक्सचेन्ज र टेस्ट ड्राइभ क्याम्पको शुभारम्भ गर्ने घोषणा गरेको छ।
यो चार दिने कार्यक्रम माघ १६ गतेदेखि १९ गतेसम्म कञ्चनजङ्घा बैंक्वेट, गोघ्रा चोक, विराटनगरमा आयोजना हुनेछ।
क्याम्पमा ग्राहकहरुले लिपमोटर सी१० र सिट्रोन इसी३ जस्ता अत्याधुनिक विद्युतीय सवारी साधनको अनुभवका साथै उत्कृष्ट एक्सचेन्ज अफर र वित्तीय सम्झौताहरू पाउने कम्पनीले जनाएको छ।
यी दुवै सवारीसाधनहरूले स्वच्छ र दिगो यातायातको भविष्यलाई प्रस्तुत गर्छन्, जसले ग्राहकहरूलाई वातावरणमैत्री र दिगो यात्रा गर्नको लागि अवसर प्रदान गर्दछ।
कार्यक्रमका आगन्तुकहरूलाई यी अभिनव विद्युतीय सवारी साधनहरू टेस्ट ड्राइभ गर्न र विशेष छुट जस्ता अवसरहरु प्राप्त हुने र नि:शुल्क ७ किलोवाट वाल चार्जर पनि प्राप्त हुने कम्पनीले उल्लेख गरेको छ।
यस क्याम्पले विराटनगरका ग्राहकहरूलाई विद्युतीय सवारी साधनहरूको नवीनतम प्रविधि अन्वेषण गर्ने र बजारमा उपलब्ध सबैभन्दा राम्रो सम्झौताहरुको फाइदा उठाउने अवसर प्रदान गर्ने कम्पनीको दाबी छ।
प्रतिक्रिया