युनिकोड
दशैँ नजिकिँदै गएको सन्दर्भमा सनसिल्क नेपालले आफ्नो अत्यधिक सफल अभियान सनसिल्क दशैं भाइब्स दोस्रो वर्षको लागि पनि सुरु गर्ने तयारी गरेको छ।
यसले लाखौं नेपाली नेपाली युवतीहरुलाई आफ्नो सुन्दर कपाललाई प्याकमा प्रदर्शन गर्न पाउने अवसर फेरि पनि प्रदान गर्ने कम्पनीले जनाएको छ।
सनसिल्क दशैं भाइब्सले आफ्नो अनगिन्ती कोसेढुङ्गाहरु मध्ये फेसबुक, इन्स्टाग्राम र टिकटक भरमा ६ करोडभन्दा बढी भ्यूज प्राप्त गरेको थियो भने २८५४ जनाले सहभागिता जनाएका थिए र यस वर्ष सनसिल्क दशैं भाइब्स २ ले त्यो संख्यालाई उछिन्दै एक नयाँ रेकर्ड कायम गर्ने अपेक्षा गरिएको कम्पनीको भनाइ छ।
साथै यस वर्षको चाडपर्वलाई लक्षित गर्दै नेपालमा पहिलोपटक सीमित विशेष दशैँ प्याक पनि ल्याउने भएको छ।
यसमा हेयरफल सोलुसन, ब्ल्याक साइन र पर्फेक्ट स्ट्रेट गरी तीन नयाँ प्याक रहेको कम्पनीले जनाएको छ। गत वर्षको दशैँमा सनसिल्कले प्रतियोगितात्मक सनसिल्क दशैँ भाइब्स अभियान सुरु गरेको थियो। त्यसमा सनसिल्क ग्यांग अफ गर्ल्सको एक हिस्सा बनेर ब्रान्डसँग आबद्ध हुने मौका दिएको थियो।
सो अभियानमा आशिना देउला, प्रतिमा कार्की र लालना चिमरियाले अन्तिम चरणको फिनालेमा जित हासिल गरेको कम्पनीले जनाएको छ। सोसँगै उक्त तीनै जना ब्रान्ड एम्बासडरद्वय प्रिन्सी र प्रिज्माका साथमा ब्रान्डको प्रतिनिधित्व गर्न जोडिएका थिए। उनीहरुले यो वर्षको सीमित दशैँ प्याकमा प्रस्तुत हुने अवसर पाएका हुन्।
सीमित विशेष दशैँ प्याकमा प्रस्तुत गरिएको तीन नयाँ प्याकमध्ये पर्फेक्ट स्ट्रेट नेपालमा पहिलोपटक पेस गरिएको कम्पनीले जनाएको छ।
युनिलिभरका प्रबन्धनिर्देशक आमलन मुखर्जीले लाखौं उपभोक्ताहरुद्वारा रुचाइएको र देशभर बिक्र हुने, सनसिल्क निस्सन्देह नेपालको सर्वाधिक ठूलो सौन्दर्य ब्राण्ड रहेको बताए।
उनले गत वर्ष दशैंको दौरानमा आयोजित दशैं भाइब्स प्रतियोगीताको विजेताहरु सनसिल्क ग्याङ्ग अफ गल्र्सलाई प्रस्तुत गर्न पाउँदा खुसी लागेको बताउँदै प्रतियोगिता आफैँमा एक अभूतपूर्व सफल अभियान रहेको उल्लेख गरे।
उनले भने, ‘सनसिल्क विश्वास गर्दछ कि जब युवतीहरुले सम्भावनाहरुलाई व्यापक बनाउन पाउँछन् तब उनीहरु उत्साहित हुने गर्दछन् र हामीले उनीहरुलाई उनीहरुको सुन्दर कपालको प्रदर्शन गर्ने अवसर प्रदान गरेर सनसिल्क ब्राण्डको प्याकमा आफूलाई प्रस्तुत गर्ने सुनौलो मौका प्रदान गरेका छौँ।’
प्रतिक्रिया