नेपाल ल्युब आयलले पारित गर्‍यो ३० प्रतिशत लाभांश

नेपाल ल्यूब आयल लि.को ३२औँ वार्षिक साधारणसभा सम्पन्न भएको छ।

साधारणसभाले सेयरधनीहरुलाई ३० प्रतिशत लाभांश (२५ प्रतिशत बोनस सेयर र ५ प्रतिशत नगद लाभांश) वितरण गर्ने प्रस्ताव पारित गरेको छ।

सभामा अध्यक्ष अरुण कुमार चौधरी तथा सञ्चालक समिति, कम्पनी सचिव, लेखा परीक्षक, व्यवस्थापक समूह र अन्य सेयरधनीहरु उपस्थित थिए।

अध्यक्ष चौधरीले देश र बजारको हालको अवस्था निकै नै गम्भीर रहेकाले सरोकारवालाको ध्यान केन्द्रित हुन जरुरी रहेको बताए।

‘संस्थाको रुपमा हामीले पनि बजारलाई पोजिटिभ तिर मोड्न आफ्नो भूमिका निर्बाहा गर्नुपर्छ’, उनले भने, ‘नेपाल ल्युब आयल लिमिटेड यही विचारधारामा अगाडि बढिरहेको छ र रहनेछ। व्यवस्थापन र अन्य टोली सदस्यहरू यसमा प्रतिबद्ध छन्।’