युनिकोड
एनआईसी एसिया बैंकका ग्राहकले र्याडिसन होटलमा विशेष छुट पाउने भएका छन्।
यसबारे होटल र बैंकबीच सम्झौता भएको हो।
समझदारीसँगै बैंकका ग्राहकहरुले काठमाडौंमा रहेको सो होटलमा सेवा लिई डिजिटल भुक्तानी गर्दा २० प्रतिशतसम्म छुट प्राप्त गर्न सक्नेछन्।
उक्त होटलमा सेवा लिँदा खाना तथा पेय पदार्थ तथा फिटनेस सेन्टर (जीम)मा २० प्रतिशत छुटको सुविधा प्राप्त गर्नेछन्। त्यसैगरी एयरपोर्ट लाउन्ज र रेस्टुराँ, पेस्ट्री शप र ट्रान्क्विलिटी स्पामा १५ प्रतिशतको छुट उपभोग गर्न सक्ने बैंकले जनाएको छ।
यस सुविधाको उपभोग गर्न ग्राहकहरुले यस बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नुपर्नेछ।
उक्त होटलसँगको यस सहकार्यले ग्राहकलाई छुट उपलब्ध हुनुको साथै मुलुकको डिजिटल भुक्तानी सेवालाई प्रवद्र्धन गरी नगदरहित कारोबारमा सहयोग पुग्ने बैंकले विश्वास लिएको छ ।
प्रतिक्रिया