युनिकोड
बागलुङमा जिप हुर्घटना हुँदा सात जना घाइते भएका छन्।
सदरमुकाम बागलुङ बजारबाट बरेङतर्फ जाँदै गरेको ग.१ ज ७४८० नम्बरको जिप बिहीबार साँझ ७ बजे जैमिनी नगरपालिका १० राङखानीको नाम्दुकमा दुर्घटनामा परेको प्रहरीले जनाएको छ।
दुर्घटनामा जिप चालक बरेङ गाउँपालिक १ का २० वर्षीय रवि थापा, सोही ठाउँका २१ वर्षीया सुस्मिता परियार, १९ वर्षीया विक्की परियार, ४० वर्षीया सेती परियार, ४० वर्षीया सुनिता परियार, १८ वर्षीय मोहन परियार र चितवनको भरतपुर महानगरपालिका २६ का ५४ वर्षीया ज्योति मगर घाइते भएका हुन्।
जिल्ला प्रहरी कार्यालय बागलुङका प्रहरी नायब उपरीक्षक बसन्तजंग पाण्डेका अनुसार घाइते सबैको अवस्था सामान्य छ।
घुमाउरो सडकमा स्टेरिङ फेल हुँदा जिप पल्टिएको चालकले बताएका छन्। जिप सडकबाट करिब १५ मिटर तल खसेको हो।
घाइते सबैको धौलागिरी प्रादेशिक अस्पताल बागलुङमा उपचार भइरहेको छ।
प्रतिक्रिया