सुनको मूल्यमा फेरि नयाँ रेकर्ड, आज कति बढ्यो?

सुनको मूल्यले हालसम्मकै उच्च मूल्यको कीर्तिमान बनाएको छ। 

नेपाल सुनचाँदी व्यवसायी महासंघका अनुसार सुन आज तोलामा ३ सय रुपैयाँले बढेको हो। 

योसँगै सुन आज १ लाख ७१ हजार रुपैयाँ तोलामा कारोबार भएको छ। अघिल्लो दिन सुन १ लाख ७० हजार ७ सय रुपैयाँमा कारोबार भएको थियो। 

यता चाँदी भने ३० रुपैयाँ सस्तो भएको छ। आज चाँदी २ हजार ९० रुपैयाँमा कारोबार भएको हो। 

अन्तर्राष्ट्रिय बजारमा सुन २ हजार ७८५ अमेरिकी डलर प्रतिऔँस मूल्यमा र चाँदी प्रतिऔँस ३३ अमेरिकी डलरमा कारोबार भएको एजेन्सीहरुले उल्लेख गरेका छन्।