युनिकोड
भ्वाइस अफ नेपाल सिजन–३ का उत्कृष्ट प्रतिस्पर्धी तारा श्रीस मगर र आर्यन तामाङले पहिलो गीत ‘मायाको चौघेरो’ ल्याएका छन्।
गत शुक्रबार राजधानीमा एक पत्रकार भेटघाट कार्यक्रमका बीच गीतको भिडिओ सार्वजनिक गरिएको हो।
रोमान्टिक शैलीको गीतमा युवा गायक जोसेफ शाही ठकुरीको शब्द/संगीत रहेको छ। विषम आचार्यको संगीत संयोजनले गीत थप सशक्त बनेको छ।
ए वन म्युजिसियन स्टुडियोमा रेकर्ड गरिएको गीतको ध्वनि सम्पादन किशोर थापाले गरेका हुन् ।
गीतको भिडियोमा पछिल्लो समयका बहुचर्चित मोडल सरोज राना प्रजा र बिना राउतको नृत्यसहितको अभिनय हेर्न सकिन्छ।
बिनालाई एकोहोरो पछ्याइरहेका सरोजले अन्त्यमा आफ्नो मायाको चौघेरोमा पार्न सफल भएको कहाँनी गीतको भिडियोमा समेटिएको छ । गीतको नृत्य निर्देशन समेत सरोजले नै गरेका हुन् ।
भिडियोमा भक्तपुर दरबार स्क्वाएरका विभिन्न झलकहरू देख्न सकिन्छ। बसन्त कुँवरको छायाँकन, टेकेन्द्र शाहको सम्पादन रहेको गीतको भिडियो निर्देशन गौरव गिरीले गरेका हुन् ।
प्रतिक्रिया