युनिकोड
गायन रियालिटी सो नेपाल आइडलको चौथो संस्करण यही मंसिर २३ गते बिहीबारबाट प्रसारण हुने भएको छ।
कार्यक्रमका होस्ट आसिफ साहले सामाजिक सञ्जालमार्फत चौथो संस्करण प्रसारण हुने मिति जानकारी दिएका हुन्।
यसैबीच नेपाल आइडलको चौथो संस्करणमा निर्णायक परिवर्तन गरिने भएको छ। नयाँ निर्णायकमा गायक एवं वरिष्ठ संगीतकार शम्भुजित बाँस्कोटा, सुगम पोखरेल र सुवानी मोक्तान रहनेछन्।
यसअघि नेपाल आइडलको तेस्रो संस्करणसम्म निर्णायक मण्डलमा न्ह्यू बज्राचार्य, कालीप्रसाद बाँस्कोटा र इन्दिरा जोशी थिए।
नेपाल आइडलको चौथो संस्करण एपीवान टेलिभिजनमा राति साढे ८ बजे प्रसारण हुने आयोजकले जनाएको छ।
प्रतिक्रिया