नेपाली फिल्म ‘मनसँग मन’को प्रदर्शन मिति तय भएको छ। सौरभ इन्टरटेन्मेन्ट र बलाली इन्टरटेन्मेन्टको ब्यानरमा निर्माण भएको यो फिल्म माघ २० गतेदेखि प्रदर्शन हुने भएको हो।
पुष्प खड्का र वर्षा शिवाकोटीले शीर्ष भूमिका निर्वाह गरेको यो फिल्म भारतमा रिलिज गरिएको थियो।
कैलाश राईले निर्देशन गरेको यो फिल्ममा पुष्प र वर्षाका साथमा बुद्धि तामाङ, महेन्द्र बगदास, चाँदनी प्रधान, सन्तेलगायतका कलाकार पर्दामा देखिनेछन्। नायिका पूजा शर्मा र पल शाह पनि फिल्ममा विशेष भूमिकामा देखिनेछन्।
अर्जुन पोख्रेल र आगोम गुरुङको संगीत रहेको फिल्ममा कमल राई र रामजी लामिछानेको कोरियोग्राफी, सौरभ लामाको छायांकन र अर्जुन जीसीको सम्पादन छ।
33
Shares
प्रतिक्रिया