युनिकोड
बहुप्रतिक्षित भारतीय फिल्म ‘पुष्पा २ द रुल’ ले बक्सअफिसमा नयाँ रेकर्ड बनाएको छ। भारतभर १७५.१ करोड भारतीय रुपैयाँ नेट कमाउँदै अल्लु अर्जुन स्टारर यो फिल्म सर्वाधिक ओपनिङ गर्ने भारतीय फिल्म बनेको छ।
यस फिल्मले एसएस राजामौलीको फिल्म ‘आरआरआर’ लाई उछिनेर भारतीय सिनेमाको लागि सबैभन्दा ठूलो ओपनर बनेको छ। ‘आरआरआर’ ले ओपनिङ डेमा १३३ करोड भारु कमाएको थियो।
सुकुमार निर्देशित यो फिल्मले यशराजको ‘केजीएफ २’ देखि प्रभासको ‘कल्कि २८९८ एडी’ र शाहरुख खानको ‘जवान’ लगायतको फिल्मलाई समेत पछि पारेको छ। विश्वभर पनि यस फिल्मले २५० करोड भारु बढीको आकंडा पार गरेको छ।
१७ डिसेम्बर सन् २०२१ मा रिलिज भएको पहिलो पार्ट ‘पुष्पा द राइज’ निकै सफल भएको थियो। जसकारण पनि दोस्रो सिक्वेलमा दर्शकहरुको क्रेज व्यापक देखिएको छ।
सुकुमारको लेखन र निर्देशन रहेको यस फिल्ममा अल्लु अर्जुनसहित रश्मिका मन्दना मुख्य भूमिकामा छन्। साथै फरद फासिल, धनञ्जय, राव रमेश, सुनील, अजय घोषलगायतको अभिनय छ। नवीन येर्नेनी र रविशंकर यममाञ्चिली फिल्मका निर्माता हुन्।
प्रतिक्रिया