युनिकोड
बलिउड अभिनेत्री श्रद्धा कपुर हालै फिल्म ‘इथा’ को सेटमा घाइते भइन्। उनी घाइते भएसँगै शुभचिन्तक र फ्यानहरूले उनको स्वास्थ्यको चिन्ता गर्दैं स्वास्थ्य लाभको कामना गरिरहेका छन्।
यसैबीच, श्रद्धा स्वयमले स्वास्थ्य अपडेट दिँदै एक भिडिओ सार्वजनिक गरेकी छिन्। उनले आफ्नो मांसपेशीमा चोट लागेको तर त्यो आरामले उनलाई निको हुन मद्दत गर्ने बताइन्।
भिडिओमा उनले आफ्नो प्लास्टर कास्ट देखाउँदै भनिन्, ‘मेरो खुट्टाको चोट कस्तो छरु म टर्मिनेटर जस्तै हिँडिरहेकी छु। मेरो मांसपेशी च्यातिएको छ, यो ठीक हुनेछ। मलाई अलिकति आराम गर्न आवश्यक छ र म ठीक हुनेछु’
श्रद्धा कपूर गत हप्ता महाराष्ट्रको नासिक नजिकैको औंधेवाडीमा प्रसिद्ध लावणी नर्तकी तथा तमाशा कलाकार विठाबाई भाऊ नारायणगाँवकरको बायोपिक फिल्म ‘इथा’ को छायांकन गरिरहेकी थिइन्। श्रद्धासँग एक लावणी नृत्य दृश्य छायांकन भइरहेको थियो, जसमा उनलाई द्रुत लयमा द्रुत पाइलाहरू प्रदर्शन गर्न आवश्यक थियो, जब अभिनेत्रीलाई चोट लागेको थियो। चोट लागेको समयमा श्रद्धाले लावणी नर्तकीको रूपमा सजिएकी थिइन्, जीवन्त नौवारी साडी, भारी गहना र कम्मरको बेल्ट लगाएकी थिइन्।
श्रद्धाको चोट लागेपछि फिल्म ‘इथा’ को छायांकन रोकिएको छ। उनको खुट्टा पूर्ण रूपमा निको भएपछि छायांकन पुनः सुरु हुनेछ। यद्यपि, श्रद्धाले छायांकन रोक्नुको सट्टा मुम्बईमा उनका क्लोज-अप र भावनात्मक दृश्यहरू छायांकन गर्न सुझाव दिएकी छिन्। उनको सल्लाह पालना गर्दै अब मुम्बईको मड आइल्याण्डमा सेट निर्माण भइरहेको छ।
श्रद्धाका साथै फिल्ममा रणदीप हुड्डा र मोहम्मद जीशान अय्युब पनि मुख्य भूमिकामा छन्। यो फिल्म लक्ष्मण उतेकरद्वारा निर्देशित र दिनेश विजनको म्याडक फिल्म्सद्वारा निर्मित हो। फिल्ममा विठाबाईको भूमिका निर्वाह गर्न श्रद्धाले ५१ किलो तौल बढाएकी छिन्।
प्रतिक्रिया