युनिकोड
अर्जुन घिमिरे (पाँडे) को डेब्यु निर्देशन रहेको फिल्म ‘झरीपछिको इन्द्रेणी’ युट्युवमा सार्वजनिक भएको छ। हलमा रिलिज भएको दुई महिनामै यो फिल्म बिहिबारदेखि युट्युवमा रिलिज भएको हो।
यो फिल्म बालेन शाहको आधिकारिक युट्युब च्यानलमार्फत हेर्न सकिनेछ।
गत पुस ४ गते रिलिज भएको यो फिल्म केहीदिनअघि मात्रै हलबाट उत्रेको थियो। ५१ दिन मनाएको यस फिल्मले सिनेमा बक्सअफिसमा भने १ करोड २८ लाख मात्रै कलेक्सन गर्न सफल भएको छ।
यस फिल्मका लागि मेयर बालेन शाहले र्याप समेत गाएका थिए। साथै उनले फिल्मको प्रचारप्रसारमा समेत सहयोग गरेका थिए। तर, हलमा भने फिल्मले सोचेअनुसारको कमाइ भने गर्न सकेन।
यस फिल्ममा गणेश उप्रेती, रमेश उप्रेती, दीपाश्री निरौला, प्रियाना आचार्य, बिमोचन दवाडी, जेसिका पोखरेल, प्रकाश घिमिरेलगायत कलाकारहरूको अभिनय छ। फिल्मले भ्रष्टाचार र बेथितिविरुद्धको कथा प्रस्तुत गर्छ।
प्रतिक्रिया