युनिकोड
कलाकार जितु नेपालको डेब्यु ‘आइ एम जीत बहादुर’ को ट्रेलर सार्वजनिक भएको छ।
ओएसआर डिजिटलको युट्युब च्यानलमार्फत सार्वजनिक ट्रेलरमा गाउँबाट सपना बोकेर सहर आएका एक युवाले कलाकार बन्नका लागि भोग्नुपरेका संघर्ष, चुनौती र यात्रालाई भावनात्मक ढंगले प्रस्तुत गरिएको छ।
ट्रेलरमा अभिनेता जितुलाई फरक अवतार देख्न सकिन्छ, जहाँ उनले कलाकार बन्ने सपना पछ्याइरहेका युवाको भूमिकामा छन्। भारतीय बंगाली निर्देशक सुभेन्दु घोषको कथा तथा निर्देशनमा बनेको फिल्ममा जितु नेपालको अपोजिटमा अभिनेत्री वर्षा राउत देखिएकी छन्।
यस फिल्ममा जितु र वर्षासहित प्रियंका कार्की, सन्दीप क्षेत्री, देशभक्त खनाल,पवन खतिवडा 'बाबा',निरज नेपाल,अन्सु महर्जन लगायत कलाकारहरूको अभिनय रहेको छ। सार्वजनिक ट्रेलरलाई दर्शकहरुले मन पराइरहेका छन्।
कर्मभूमि क्रिएशनको ब्यानरमा निर्माण भएको यस फिल्मका कार्यकारी निर्माता निश्चल कुँवर र निरज नेपाल हुन् भने राजन सिंखडा तथा दीपेन्द्र अधिकारी सह–निर्माताका रूपमा रहेका छन्। भारतीय सिनेमाटोग्राफर अरविन्दको छायांकन रहेको फिल्मको पोस्ट–प्रोडक्सन कार्य भारतमै सम्पन्न गरिएको निर्माण पक्षले जानकारी दिएको छ।
प्रतिक्रिया