युनिकोड
रुसी कूटनीतिज्ञहरुको एक समूह ट्रलीमा बसेर उत्तर कोरियाबाट बाहिरिएको छ।
कोरोना संक्रमण फैलिन नदिन उत्तर कोरियाले आवतजावतमा कडाइ गरेको छ। अन्य मुलुकसँगको विमान र रेल सेवा ठप्प छ।
त्यसैले रुसी कूटनीतिक कर्मचारी र तिनका परिवार रेलको लिकमा हातले ठेलेर चलाउन मिल्ने ट्रलीमार्फत सीमा पार गरेर घर फर्किएका हुन्।
त्यसअघि उनीहरु रेल र बसमा यात्रा गरेर सीमाक्षेत्रसम्म पुगेका थिए।
यसरी ट्रलीमा उनीहरुले करिब १ किलोमिटर यात्रा गरेको जनाइएको छ।
‘एक वर्षदेखि सीमा र उडान बन्द भएकाले घरफिर्ती निकै कठिन रह्यो,’ रुसी विदेश मन्त्रालयले फेसबुकमा पोस्ट गरेको छ।
मन्त्रालयले राखेको तस्बिरमा कूटनीतिज्ञ र तिनका सरसामान ट्रलीमा देखिन्छन्। बीबीसी
प्रतिक्रिया