युनिकोड
मुख्यमन्त्री उमर अब्दुल्लाहको नेतृत्वमा गठित जम्मु-कस्मिर सरकारको नयाँ मन्त्रिपरिषद्ले जम्मु-कस्मिरलाई पूर्ण राज्यको दर्जा दिने प्रस्ताव पारित गरेको छ।
शनिबार बसेको मन्त्रिपरिषद् बैठकले जम्मु-कस्मिरलाई पूर्ण राज्यको दर्जा दिनेसब्बन्धी प्रस्ताव पारित गर्दै केन्द्र सरकारलाई अनुरोध गरेको हो।
जम्मु-कस्मिर सूचना विभागद्वारा जारी विज्ञप्तिमा भनिएको छ- यस सम्बन्धमा प्रधानमन्त्री र केन्द्रीय मन्त्रीहरूसँग भेट्न मुख्यमन्त्री अब्दुल्लाह आगामी दिनमा नयाँ दिल्ली जानेछन्।
मन्त्रिपरिषद्ले जम्मु-कस्मिर विधानसभाको अधिवेशन नोभेम्बर ४ मा बोलाउने निर्णय पनि गरेको छ।
यसका लागि लेफ्टिनेन्ट गभर्नर मनोज सिन्हालाई अनुरोध गरिएको छ र उनलाई अधिवेशनमा सम्बोधन गर्न पनि भनिएको छ।
विधानसभा चुनावका क्रममा क्षेत्रीय दलहरूले जम्मु-कस्मिरलाई पूर्ण राज्यको दर्जा दिनुपर्ने माग निरन्तर उठाएका थिए।
नेसनल कन्फ्रेन्स र कंग्रेस गठबन्धनले विधानसभा चुनावमा बहुमत पाएपछि उमर अब्दुल्लाह जम्मु-कस्मिरको नयाँ मुख्यमन्त्री बनेका हुन्।
प्रतिक्रिया