युनिकोड
भारतीय राज्य उत्तराखण्डको चमोलीमा शुक्रबार भीषण हिमपहिरो जाँदा फसेका ५७ कामदारमध्ये अहिलेसम्म ३२ जनाको उद्धार गरिएको छ।
भारतीय सञ्चारमाध्यमका अनुसार अझै २५ कामदार हिउँमा फसिरहेका छन्। उद्धार प्रयास जारी छ।
चमोली जिल्लाको बद्रीनाथ क्षेत्रमा शुक्रबार ठूलो हिमपहिरो गएको हो। यो हिमपहिरोले भारत-तिब्बत सीमा नजिकैको माणा गाउँमा रहेको सीमा सडक संगठन (बीआरओ) शिविरलाई ढाक्यो।
घटनाका समयमा शिविरमा जम्मा ५७ कामदार थिए, जसमध्ये अहिलेसम्म ३२ कामदारलाई बाहिर निकालिएको हो। सबैलाई नजिकैको माणा गाउँमा रहेको सेनाको शिविरमा लगिएको छ।
उद्धार टोलीबाट प्राप्त जानकारीअनुसार उद्धार गरिएका १६ जनामध्ये ४ कामदारको अवस्था गम्भीर छ।
प्रतिक्रिया