युनिकोड
आइतबार इजरायलको तेल अभिभ विमानस्थलनजिकै मिसाइल आक्रमण भएपछि एअर इन्डियाको विमान अबुधाबी डाइभर्ट गरिएको छ।
यो विमान भारतको राजधानी दिल्लीबाट तेल अभिभ जाँदै थियो।
आइतबार विमानस्थलनजिकै घातक मिसाइल आक्रमण गरिएको थियो।
स्रोतका अनुसार एअर इन्डियाको उडान नम्बर एआई १३९ तेल अभिभमा अवतरण गर्नुभन्दा एक घण्टाभन्दा कम समयअघि आक्रमण भएको थियो।
समाचार एजेन्सी पीटीआईका स्रोतहरूले विमान अब दिल्ली फिर्ता ल्याइने बताएका छन्। उडान ट्र्याकिङ वेबसाइट Flightradar24.com मा उपलब्ध जानकारीअनुसार, अबुधाबीमा डाइभर्ट गर्ने निर्णय लिइँदा उडान जोर्डनको हवाई क्षेत्रमा थियो।
आइतबारका लागि एअर इन्डियाले तेल अभिभबाट दिल्लीको उडान रद्द गरेको भारतीय सञ्चारमाध्यमले उल्लेख गरेका छन्।
इजरायली मिडियाले आपत्कालीन सेवाहरूलाई उद्धृत गर्दै विस्फोटमा चार जना घाइते भएको र आश्रयस्थलमा भाग्ने क्रममा थप दुई जना घाइते भएको बताएको छ।
घटनापछि चेतावनी दिँदै इजरायलका रक्षामन्त्री इजरायल काट्जले विज्ञप्तिमार्फत भनेका छन्, ‘हामीमाथि आक्रमण गर्ने जो कोहीलाई पनि सात गुणा बढी बल प्रयोग गरिनेछ।’
अनि हुथी विद्रोहीका सैन्य प्रवक्ता याह्या सारियाले टेलिभिजनमा प्रसारित वक्तव्यमा भनेका छन्, ‘इजरायली विमानस्थल अब हवाई यात्राको लागि सुरक्षित छैन।’
तेल अभिभ विमानस्थलनजिकै मिसाइल प्रहार हुँदाका दृश्य भनी सार्वजनिक भिडिओ फुटेज:
A #Houthi ballistic missile fell near Ben Gurion International #Airport in #TelAviv
— Indian Observer (@ag_Journalist) May 4, 2025
According to preliminary information, none of the air defense systems deployed in the country, including the American THAAD, were able to intercept the missile #BreakingNews #BREAKING pic.twitter.com/rrIBHtsT1n
प्रतिक्रिया