पाकिस्तानको कराचीमा पाँचतले भवन भत्किँदा कम्तीमा १६ जनाको मृत्यु

पाकिस्तानको कराची सहरमा आवासीय भवन भत्किँदा कम्तीमा १६ जनाको मृत्यु भएको छ।

शुक्रबार बिहान भएको उक्त दुर्घटनामा धेरै जना घाइते भएको बताइएको छ। 

कराची को स्थानीय प्रशासनले यो पाँचतले भवनलाई तीन वर्षअघि नै बस्न असुरक्षित भनेको थियो।

तर घरधनी र भाडामा बस्नेहरूले आफूहरूलाई भवन खाली गर्न सूचना नपाएको बताएका छन्।

एक वरिष्ठ सरकारी अधिकारी जावेद नबी खोसोले भने समाचार एजेन्सी एएफपीसँग २०२२, २०२३ र २०२४ मा भवनमा बस्नेहरूलाई हट्न सूचना दिइएको दाबी गरेका छन्।