अफगानिस्तान भूकम्प: मृतकको संख्या ८ सय नाघ्यो

अफगानिस्तान भूकम्पमा ज्यान गुमाउनेको संख्या ८ सय नाघेको छ। पूर्वी कुनर प्रान्तमा गत राति ६ म्याग्निच्युडको भूकम्प गएको थियो।

कुनर र नानगरहार प्रान्तमा गरी ८१२ जनाको मृत्यु भएको २५ सय घाइते भएको त्यहाँको गृह मन्त्रालयले जनाएको छ। मृतकको संख्या अझै बढ्न सक्ने बताइएको छ।

सानो भए पनि सो भूकम्मको जमिनको सतहनजिक गएकाले ज्यादा क्षति पुगेको विज्ञहरुले बताएका छन्।

केही गाउँहरु पूर्ण रुपमा नष्ट भएको बताइएको छ।

स्वास्थ्य मन्त्रालयका प्रवक्ता सराफत जमानले अस्पतालहरु घाइतेले भरिभराउ भएको बताएका छन्।

रक्षा मन्त्रालयले ३० डाक्टर र ८०० किलो औषधि कुनर पठाइएको जनाएको छ। एजेन्सी