युनिकोड
अमेरिकाले आफ्ना एक शीर्ष नौसेना कमान्डरले भेनेजुएलाको डुंगामा दोस्रो सैन्य हमला गर्न आदेश दिएको स्वीकार गरेको छ।
तर त्यस डुंगामा लागुऔषध रहेको आरोप अमेरिकी प्रशासनले लगाएको छ।
सोमबार ह्वाइट हाउसका प्रेस सचिव क्यारोलिन लेभिटले एडमिरल फ्रान्क ब्राडलीले आफ्नो अधिकार र कानुनभित्र रहेर यो अतिरिक्त हमला गरेको बताएकी हुन्।
उनले यो पनि भनिन्, ‘रक्षा सचिव पिट हेगसेथले हमला गर्न अनुमति दिएका हुन् तर अमेरिकी पत्रिका द वासिङ्टन पोस्टले रिपोर्ट गरेजस्तै सबैलाई मार्न आदेश दिएका होइनन्।’
बीबीसीका अनुसार पहिलो विस्फोटमा दुई जना बाँचेका थिए र उनीहरू जलिरहेको डुंगामा थिए। त्यसपछि दोस्रो आक्रमण गरिएको बताइएको छ।
रिपब्लिकन र डेमोक्र्याटिक दुवै दलका सांसदहरूले घटनाबारे चिन्ता व्यक्त गर्दै यस विषयमा कंग्रेस (अमेरिकी संसद्) मा समीक्षा गरिने बताएका छन्।
प्रतिक्रिया