इजरायल-अमेरिकाको आक्रमणबाट इरानका आणविक स्थल भने सबै सुरक्षित

शीर्ष नेतृत्व नै सखाप पार्ने गरी शनिबार अमेरिका र इजरायलले गरेको संयुक्त आक्रमणबाट इरानका आणविक स्थल भने सुरक्षित रहेको पाइएको छ। 

संयुक्त राष्ट्रसंघको आणविक निगरानी संस्थाका प्रमुख राफेल ग्रोसीले हमलाले इरानका कुनै पनि आणविक पूर्वाधारमा क्षति नभएको पुष्टि गरेका हुन्।

राफेल ग्रोसीले भनेका छन्, ‘इरानमा अमेरिका र इजरायलले हालै इरानमा गरेको आक्रमणले बुसेहर आणविक प्लान्ट, तेहरान अनुसन्धान रिएक्टरलगायत कुनै पनि आणविक स्थलमा क्षति भएको छैन।’

उनले इरान र बहराइन, इराक, कुवेत, ओमान, कतार र साउदी अरेबियाजस्ता अन्य देशमा पनि आणविक स्थल रहेको उल्लेख गर्दै सैन्य कारबाहीमा ‘अत्यन्त संयमता’ अपनाउन आग्रह गरेका छन्।