युनिकोड
अमेरिका-इजरायल-इरान युद्ध आज १३औँ दिन पनि जारी छ। उनीहरूको द्वन्द्व मध्यपूर्वभरि फैलिएको छ।
अमेरिका-इजरायले गत फेब्रुअरी २८ मा संयुक्त हवाई हमला गरी इरानका सर्वोच्च नेता अयातोल्लाह अली खामेनीको हत्या गरेपछि बदला लिन भन्दै हेजबुल्लाहले पनि लेबननबाट इजरायलमा आक्रमण गरिरहेको छ।
यसै क्रममा इरान समर्थक हेजबुल्लाहले बुधबार इजरायलमा २०० वटा क्षेप्यास्त्र प्रहार गरेको टाइम्स अफ इजरायलले जनाएको छ।
यद्यपि इजरायलको वायु रक्षा प्रणालीले धेरैजसो रकेट र क्षेप्यास्त्रलाई आकाशमै रोकेको छ। तर भग्नावशेष खसेर केही क्षेत्रमा आगो लागेको थियो।
लेबननबाट हेजबुल्लाहले इजरायलेले गरेको क्षेप्यास्त्र आक्रमणको भिडिओ फुटेज
— Emanuel (Mannie) Fabian (@manniefabian) March 11, 2026Footage shows Hezbollah's large rocket barrage on northern Israel this evening. Around 100 rockets were fired, according to IDF assessments. pic.twitter.com/8wuG6J8kgg
यसैबिच इजरायलको स्वास्थ्य मन्त्रालयले विगत २४ घण्टामा देशभर विभिन्न आक्रमणमा १७९ जना घाइते भएको जनाएको छ। योसँगै युद्ध सुरुभएयता घाइतेहरूको कुल संख्या २ हजार ७४५ पुगेको छ।
यस्तै अहिलेसम्म लेबननमा ६३० जना मारिएको लेबननी स्वास्थ्य मन्त्रालयले जनाएको छ।
प्रतिक्रिया