युनिकोड
लेबननको स्वास्थ्य मन्त्रालयले शनिबार दक्षिणी लेबननमा इजरायलले गरेको हवाई आक्रमणमा चार महिला र एक बच्चासहित कम्तीमा १३ जनाको मृत्यु भएको बताएको छ।
इजरायली रक्षा बल (आईडीएफ) ले यसअघि नबातिया जिल्लाको हबुस खाली गर्न आदेश जारी गरेको थियो। जहाँ आक्रमणमा दुई महिला र एक बच्चासहित आठ जनाको मृत्यु भएको छ।
यस्तै सिडोन जिल्लाको जरेरियामा दुई महिलासहित चार जनाको मृत्यु भएको छ भने टायर जिल्लाको ऐन बालमा एक जना पुरुषको मृत्यु भएको छ।
आक्रमणमा कुल ३२ जना घाइते भएका छन्।
तीन हप्ताको युद्धविराम लम्ब्याइए पनि इजरायल र हेज्बुल्लाहबिच लडाइँ जारी छ।
शनिबार इरान समर्थित समूह हेज्बुल्लाहले लेबननमा इजरायली सैनिक र सैन्य सवारीसाधनलाई निसाना बनाइएको बताएको छ।
इजरायली सेनाले बिहीबार दक्षिणी लेबननमा भएको झडपमा आफ्ना एक सैनिकको मृत्यु भएको बताएको छ।
प्रतिक्रिया