युनिकोड
भारतको राजधानी दिल्लीको जन्तरमन्तरमा आमरण अनशन बसेका वातावरणीय अभियन्ता सोनम वाङचुकलाई आज शनिबार प्रहरीले उठाएर अस्पताल लगेको छ।
निट परीक्षामा भएको अनियमितताविरुद्ध अनशन बसेको २१औँ दिनमा उनलाई सफदरजंग अस्पताल लगिएको हो।
बीबीसी हिन्दीका अनुसार जन्तरमन्तरमा ठुलो संख्यामा प्रहरी तैनाथ गरिएको छ।
सोनम वाङचुककी श्रीमती गीताञ्जली जे. आङ्मोले उनको सहमतिबिना मुख वा नसाबाट केही नखुवाउन अनुरोध गरेकी छन्।
गीताञ्जलीले सामाजिक सञ्जालमा लेखेकी छन्, ‘म दिल्लीको सफदरजंग अस्पतालमा छु, जहाँ सोनम वाङचुक भर्ना भएका छन्। कृपया म, उनको परिवार र २० दिनदेखि उनको स्वास्थ्यको निगरानी गरिरहेका डाक्टरहरूबाट सहमति नआएसम्म उनलाई मुख वा नसाबाट कुनै पनि औषधि वा तरल पदार्थ नदिनुहोस्।’
यसैबिच ककरोच जनता पार्टी (सीजेपी) का संस्थापक अभिजित दीपकले अनिश्चितकालीन अनशनमा बस्ने घोषणा गरेका छन्।
सीजेपीले सामाजिक सञ्जालमा लेखेको छ, ‘जुलाई २० मा हुने तय भएको 'चलो संसद्' मार्च तालिकाअनुसार नै अगाडि बढ्नेछ।’
प्रतिक्रिया