युनिकोड
भारतीय राज्य राजस्थानको झुन्झुनुको कोलिहान खानीमा लिफ्ट बिग्रिएर फसेका १४ जनाको उद्धार गरिएको छ।
झुन्झुनु सरकारी अस्पतालका नर्सिङ स्टाफले सबैजना सुरक्षित रहेको समाचार एजेन्सी एएनआईलाई बताएका छन्।
उनीहरूले भने, ‘केहीका हातखुट्टा भाँचिएका छन्। १४ जनामध्ये ३ जनालाई भने कुनै चोटपटक लागेको छैन। सिँढीको सहायताले उद्धार गरिएको छ।’
समाचार एजेन्सी पीटीआईले एक अधिकारीलाई उद्धृत गर्दै सबैलाई उद्धार गरिएको जनाएको छ। जसमध्ये ३ जना गम्भीर घाइते भएका छन्। उनीहरूलाई जयपुरको अस्पतालमा पठाइएको छ।
हिन्दुस्तान कपर लिमिटेड (एचसीएल) को खानीमा मंगलबार राति दुर्घटना भएको हो।
समाचार एजेन्सी पीटीआईका अनुसार यो लिफ्ट अधिकारीहरूको ढुवानीका लागि थियो।
एचसीएलको सतर्कता टोली केही वरिष्ठ अधिकारीसहित खानीमा निरीक्षणका लागि गएको थियो।
तर उनीनीहरू माथि जाँदै गर्दा लिफ्टको डोरी चुडिँदा अड्किएका थिए।
VIDEO | All 14 officials and members of a vigilance team of PSU Hindustan Copper Limited, who were trapped in a mine in Rajasthan's Neem ka Thana district since Tuesday night, rescued.
— Press Trust of India (@PTI_News) May 15, 2024
A vertical shaft used for transportation of personnel had collapsed trapping them inside the… pic.twitter.com/RY8DwaDcEc
प्रतिक्रिया