महोत्तरीको बर्दिबासस्थित खानेपानी तथा सरसफाइ उपभोक्ता संस्थाको अध्यक्षमा स्वतन्त्र उम्मेदवार भुलनबहादुर सेन ठकुरी विजयी भएका छन्।
विभिन्न राजनीतिक दलनिकटका उम्मेदवारलाई हराउँदै संस्थाको नयाँ कार्यसमितिमा ठकुरी नेतृत्वको प्यानलै विजयी भएको हो।
अध्यक्षमा विजयी हुने ठकुरी बर्दिबासका मेयर प्रह्लादकुमार क्षेत्रीनिकट मानिन्छन्। क्षेत्रीले आफूनिकट व्यक्तिको स्वतन्त्र प्यानल खडा गरेर चुनावमा प्रतिस्पर्धा गरेका थिए।
ठकुरीले एक हजार ३६९ मत प्राप्त गरेका छन् भने उनका निकटतम प्रतिस्पर्धी चूडामणि पोखरेलले एक हजार २०१ मत मात्रै ल्याएका छन्।
पोखरेल माओवादी केन्द्रनिकट मानिन्छन्। उनको प्यानलबाट हिमाली माया देउवा मात्रै सदस्य पदमा विजयी भएकी छन्।
ठकुरी नेतृत्वको स्वतन्त्र प्यानलबाटै उपाध्यक्षमा राजेन्द्र विक्रम थापा, सचिवमा उदयबहादुर भण्डारी, कोषाध्यक्षमा भोजप्रसाद फुँयाल विजयी भएका छन्।
त्यसैगरी सदस्यहरुमा रिंकुकुमारी साह, केशवप्रसाद घिमिरे, हेमकुमारी थापा र बिमाइ तामाङ विजयी भएको निर्वाचन समितिले जनाएको छ।
Shares
प्रतिक्रिया