युनिकोड
धनुषामा माछाको भुरा वितरणमा भ्रष्टाचार भएको भन्दै अख्तियार दुरुपयोग अनुसन्धान आयोगले जिल्ला कृषि विकास कार्यालयका तत्कालीन प्रमुख र प्रोपराइटरसहित चार जनाविरुद्ध विशेष अदालतमा भ्रष्टाचार मुद्दा दायर गरेको छ।
अनुसन्धानका क्रममा मत्स्य भुरा वितरणका लागि विनियोजित २ करोड ३४ लाख २८ हजार रूपैयाँमध्ये नक्कली लाभग्राही खडा गरेर अस्तित्वमै नभएका माछा फार्म देखाउने तथा भुरा नपाएका व्यक्तिको नाममा समेत झुटा विवरण तयार गरी ७२ हजार ५९ हजार ९० रुपैयाँ सरकारी रकम हिनामिना गरिएको अख्तियारको आरोप छ।
आयोगले तत्कालीन कार्यालय प्रमुख सुकेश्वर झा, तत्कालीन लेखापाल रामचन्द्र ठाकुर, तत्कालीन प्राविधिक सहायक देवेन्द्रलाल कर्ण तथा सुदेश माछापालन केन्द्रका प्रोप्राइटर राम सुदिश शरणविरुद्ध विशेष अदालत काठमाडौँमा आरोपपत्र दायर गरेको जनाएको छ।
आरोपपत्र अनुसार तीन जना सरकारी कर्मचारीविरुद्ध भ्रष्टाचार निवारण ऐन, २०५९ को दफा ८ (१) बमोजिम जनही ७२ लाख ५९ हजार ९० रुपैयाँ बिगो कायम गरी सोही बराबरको बिगो असुल तथा कानुनबमोजिम सजायको माग गरिएको छ।
त्यसै गरी निजी पक्षका रामसुदेश रायविरुद्ध पनि सोही रकम बराबरको बिगो कायम गरी भ्रष्टाचार निवारण ऐन, २०५९ को दफा ८ (१) को देहाय (ङ) बमोजिम सजायको माग गरिएको छ।
प्रतिक्रिया