‘प्रतिनिधिसभा निर्वाचन मंसिर २१ मा गर्ने गरी घोषणा हुँदैछ’

शहरी विकास मन्त्री मेटमणी चौधरीले प्रतिनिसभा र प्रदेशसभाको निर्वाचन आगामी मंसिर २१ गते गर्ने गरी केही दिनमा घोषणा हुने बताएका छन्। 

रिपोर्टस क्लबमा मंगलबार आयोजित सम्मान कार्यक्रममा बोल्दै उनले यस्तो बताएका हुन्। 'प्रतिनिधिसभा र प्रदेश सभाको चुनाव आगामी मंसिर २१ गते हुने गरि केही दिनमा घोषणा हुन्छ होला', उनले भने। 

चौधरीले अहिले पनि विभेद र विभाजनका कुरा भइरहेको भन्दै अब त्यो रोकिनुपर्नेमा जोड दिए। 

'अब यस्तो हुनु हुँदैन।  म मन्त्री बनिसकेपछि इमानपूर्वक काम गर्ने प्रयास गर्नेछु', उनले भने, 'हामीले यो मुलुक बनाउने हो भने केबल प्रधानमन्त्री र मन्त्री मात्र इमानदार भएर हुँदैन। नेपालका सबै अंग बलियो नभइ मुलुक बन्न सक्दैन।'