आगामी मंसिर ४ गते हुने प्रतिनिधि सभाको निर्वाचनका लागि नेकपा एमालेले प्रदेश १ बाट १४ जनाको नाम सर्वसम्मत सिफारिस गरेको छ।
२८ वटा निर्वाचन क्षेत्र रहेको प्रदेशमा आधा क्षेत्रमा भने सर्वसम्मत सिफारिस हुन नसकेको एमालेले जनाएको छ।
अध्यक्ष केपी शर्मा ओली झापा ५ बाट सर्वसम्मत सिफारिस भएका छन्।
५ वटा निर्वाचन क्षेत्र रहेको झापामा १ नम्बरबाट रविन कोइराला र ४ बाट एलपी साँवा पनि सर्वसम्मत रुपमा सिफारिस भएका छन्।
यस्तै, पाँचथरबाट बसन्तकुमार नेम्वाङ, इलाम १ बाट महेश बस्नेत, इलाम २ बाट सुवास नेम्वाङ सर्वसम्मत सिफारिस भएका छन्।
यसैगरी मोरङ १ बाट ऋषिकेश पोखरेल, ३ बाट भानुभक्त ढकाल, ४ बाट विनोद ढकाल, ५ बाट योगी मण्डल सर्वसम्मत सिफारिस भएका छन्।
यता, सुनसरी १ बाट जयकुमार राई, ३ बाट भगवती चौधरी र ४ बाट जगदीश कुशियत तथा सोलुखुम्वुबाट मानवीर राई पनि सर्वसम्मत सिफारिस भएको एमालेले जनाएको छ।
Shares
प्रतिक्रिया