निलम्बित प्रधानन्यायाधीश चोलेन्द्र शम्शेर राणालाई सर्वोच्च फर्कन संसदको एक पत्रले नदिने भएको छ।
संसद सचिवालयले राणालाइ गत फागुन १ मा पठाएको पत्रमा महाभियोग लागेपछी त्यसको अन्तिम किनारा नलागेसम्म कार्यमा फर्कन नमिल्न्ने उल्लेख छ।
राणालाई सर्वोच्च फर्कन नमिल्ने बलियो आधार नै सोही पत्र भएको स्रोतले दाबी गरेको छ।
संघीय संसद सचिवालयका महासचिव डा. भरतराज गौतमले राष्ट्रपति कार्यालय, प्रधानमन्त्री तथा मन्त्रीपरिषद कार्यालय, संवैधानिक परिषद् कार्यालय, सर्वोच्च अदालत र न्याय परिषद् सहित चोलेन्द्र शम्शेर राणालाई समेत सम्बोधन गरेर सो जानकारी दिएका थिए।
राणाले आइतबार सर्वोच्च अदालत फर्कने सूचना शनिबार साँझ नै सर्वोच्च अदालत प्रशासनलाई दिएका थिए। चोलेन्द्रले अदालत फर्कने सूचना दिँदै अदालत प्रशासनलाई तयारी गर्न निर्देशन दिएपछि बार एसोसियसनले आपत्ति जनाएको छ।
बारले गेटबाटै चोलेन्द्रलाई रोक्ने चेतावनी दिएको छ।
शनिबार राती चोलेन्द्रमाथि लागेको महाभियोग छानविन गर्न बनेको सिफारिस समितिले सभामुख अग्निप्रसाद सापकोटालाई महाभियोग सिफारिस सहित प्रतिवेदन बुझाएको थियो।
Shares
प्रतिक्रिया