युनिकोड
नेपाली कांग्रेसका उपसभापति पूर्णबहादुर खड्काले नयाँ सरकार गठनको प्रक्रियामा सक्रियता देखाएका छन्।
बुधबार सुर्खेतबाट काठमाडौं आएका खड्काले प्रधानमन्त्री एवम् पार्टी सभापति शेरबहादुर देउवासँग भेट गरी नयाँ सरकार गठनबारे छलफल गरेका हुन्।
खड्का सुर्खेत निर्वाचन क्षेत्र नं १ बाट प्रतिनिधि सभामा विजयी भएपछि आज काठमाडौं आएका हुन्।
कर्णालीमा खड्काको नेतृत्वमा गठबन्धनले प्रतिनिधि सभाका १२ सिटमा एमालेलाई ‘क्लिनस्वीप’ पारेको छ भने प्रदेशसभातर्फ २४ सिटमध्ये ५ सिटमा सिमित पार्न सफल भएको छ।
देउवासँगको भेटपछि खड्काले. सामाजिक सञ्जालमा लेखेका छन्, ‘सभापतिज्यूसँगको समग्र निर्वाचनको विश्लेषण र विमर्शपछि नयाँ सरकार गठनको केन्द्रीय प्रक्रियामा सक्रियता प्रारम्भ। नेपालको जय होस्। नेपालीको जय होस्।’
कांग्रेस महामन्त्री गगन थापाले संसदीय दलकाे नेता बन्न दाैडधुप गरिरहँदा उपसभापति खड्का देउवाकाे पक्षमा सक्रियता देखाउन सुरु गरेका हुन्।
प्रतिक्रिया