युनिकोड
राष्ट्रिय प्रजातन्त्र पार्टी नेपालका अध्यक्ष कमल थापाले मुलुकको अस्थिर राजनीतिक घटनाक्रमले विदेशी चलखेल र प्रभाव बढेको बताएका छन्।
स्थिरता, समृद्धि र परिवर्तनका लागि जनताले मतदानबाट छनौट गरेका दलहरुले सत्ताको छिनाझपटीमा केन्द्रित गर्दा मुलुक थप सड्ढटग्रस्त बनेको थापाले बताए।
सत्ताको फोहरी खेलमा लिप्त भई दलहरुबाट विदेशी प्रभाव र चलखेललाई आमन्त्रण गरिनु दुर्भाग्यपूर्ण भएको उनले बताए।
आफू सत्तामा पुग्न र टिक्न विदेशी शक्तिको आशीर्वाद खोज्ने प्रवृत्तिको अन्त्य अहिलेको आवश्यकता भएको उनको जिकिर थियो।
काम गरेर बाँच्न सकिने अवस्था नभएको, दिनप्रतिदिन अर्थतन्त्र कमजोर बन्दै गएकोमा चिन्ता व्यक्त गर्दै थापाले समस्याको समाधान गर्न भन्दा थप ब्रम्हलुट गर्न राज्यसत्ता अग्रसर भएबाट मुलुक संकटको दलदलमा भासिएको बताए।
स्पष्ट विचार र अलग पहिचानसहित राष्ट्रिय राजनीतिमा स्थापित हुन तथा राष्ट्रियता, लोकतन्त्र र जनजीविकाको विषयलाई जोडदार उठाउन राप्रपा नेपाल चाँडै सडकमा आउने उनले जानकारी दिए।
पार्टीको उपत्यका केन्द्रित संगठन सुदृढीकरण अभियानलाई प्रभावकारी रुपमा अघि बढाउन उनले नेता कार्यकर्तालाई निर्देशन समेत दिए।
त्यस अवसरमा पार्टीका महामन्त्रीद्वय राजाराम बर्तौला, केशवराज श्रेष्ठ काठमाडौं अध्यक्ष श्याम घिमिरे, महानगर अध्यक्ष दिनेश नापित लगायतले बोलेका थिए।
प्रतिक्रिया