युनिकोड
विराटनगरस्थित महेन्द्र मोरङ आदर्श बहुमुखी क्याम्पसको स्वतन्त्र विद्यार्थी यूनियनको निर्वाचनका लागि माओवादी निकट विद्यार्थी संगठन अखिल क्रान्तिकारीले बुधबार उम्मेदवारी घोषणा गरेको छ।
क्रान्तिकारीले सभापतिमा रोहित यादव र सचिवमा आशिका लम्साललाई उम्मेदवार बनाएको छ।
२०६५ यता स्ववियू निर्वाचन हुन नसकेको महेन्द्र मोरङमा २०६५मा अखिल क्रान्तिकारीबाटै स्ववियु सभापतिमा जयराम सुन्दास र सहसचिवमा देवा यादवले जितेका थिए।
संगठनभन्दा बलियो भएकाले महेन्द्र मोरङ क्याम्पसमा कसैसँग गठबन्धन नगरी चुनाव लड्ने तयारी रहेको सचिवकी उमेदवार आशिका लम्साल बताउँछिन्।
२१ सदस्यीय स्ववियुमा क्रान्तिकारीले अध्यक्ष र सचिवको उम्मेदवार मात्रै घोषणा गरेको छ।
महेन्द्र मोरङमा स्ववियू चुनावका लागि क्रान्तिकारीसहित एमाले निकट अनेरास्ववियु, कांग्रेस निकट नेविसंघ लगायत १० वटा विद्यार्थी संगठनहरु दर्ता रहेका छन्।
क्याम्पसमा मतदाता विद्यार्थीहरुको संख्या ५ हजार ९४२ रहेको जनाइएको छ।
प्रतिक्रिया