अशोक राईले शिक्षा र वन दुवै मन्त्रालयको जिम्मेवारी सम्हाल्ने

जनता समाजवादी पार्टीका संघीय परिषद् अध्यक्ष अशोक राईले दुईवटा मन्त्रालय सम्हाल्ने भएका छन्।

जसपाले पाएका दुई मन्त्रालयमध्ये एउटामा नाम टुंग्याउन नसकेपछि राईले शिक्षा, विज्ञान तथा प्रविधि मन्त्रालय र वन तथा वातावरण मन्त्रालय सम्हाल्ने पार्टीका प्रचार विभाग प्रमुख पूर्ण बस्नेतले बताए। 

जसपाबाट यसअघि अशोक राईसँगै मन्त्रीका रुपमा प्रदीप यादव र राजकिशोर यादवको पनि नाम चर्चामा थियो। जसपाले अशोक राईको नाम तय गर्न सके पनि दुई यादवबारे अझै निर्णय लिन सकेको छैन।