राजनीति


संसद् अवरोध कानुन निर्माणका लागि बाधक बन्यो : सभामुख घिमिरे

संसद् अवरोध कानुन निर्माणका लागि बाधक बन्यो : सभामुख घिमिरे

नेपालखबर
साउन २६, २०८० शुक्रबार २१:३३, काठमाडौँ

सभामुख देवराज घिमिरेले प्रतिनिधिसभाको बैठकमा अवरोध हटाउन सांसदहरूलाई आह्वान गर्नुभएको छ । 

राष्ट्रिय मानवअधिकार आयोगले आयोजना गरेको कार्यक्रममा उनले संसद् अवरोध कानुन निर्माणका लागि बाधक भएको भन्दै अवरोध खोल्न सबै सांसदको सहयोगका लागि आह्वान गरेका हुन्।

‘केही सातादेखि संसद् नियमित कारबाहीमा अगाडि बढ्न नसकेको स्थिति छ। कैयौँ विधेयकमाथि छलफल भएको छैन। परिणाम दिने गरी नियम कानून बनाउन सकिरहेका छैनौँ’, सभामुख घिमिरेले भने, ‘सांसदहरूले संसद् अवरोध खोल्न आ–आफ्नो ठाउँबाट सहयोग गर्नुपर्ने आवश्यकता देखेको छु।’

अघिल्लो संसद्मा पनि संसद् विघटन, पुनःस्थापना र निर्वाचनका कारण जनमुखी कानून निर्माणमा पर्याप्त छलफल हुन नसकेको स्मरण गराउँदै संसद् अवरोधको परिस्थितिको अन्त्य गर्नुपर्नेमा उनले जोड दिए।

कार्यक्रममा सभामुख घिमिरेले मानवअधिकार आयोगको स्तर घटुवाजस्ता गम्भीर विषयमा संसद्मा पर्याप्त छलफल हुन नसकेको पनि बताए।

‘मानवअधिकार आयोगको स्तर घटुवाजस्ता गम्भीर विषयमा जसरी संसद्मा छलफल गर्नुपर्ने हो, त्यो हुन सकेको छैन’, उनले भने, ‘मानवअधिकार आयोगको स्तर घटुवाको विषयले मलाई गम्भीर बनाएको छ। यस विषयमा सरकारले विशेष दायित्व निर्वाह गर्नुपर्ने देखेको छु। संसद्मा पनि यथाशक्य यस विषयमा छलफल हुनुपर्छ।’ 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .