एकीकृत समाजवादीको सचिवालय बैठक जारी

नेकपा (एकीकृत समाजवादी) पार्टीको सचिवालय बैठक जारी छ। बैठक पार्टी केन्द्रीय कार्यालय आलोकनगरमा बसिरहेको छ। 

बैठकमा वर्तमान राजनीतिक अवस्था, आह्वान गरिएको स्थायी कमिटी, पोलिटब्युरो र केन्द्रीय कमिटी बैठकको तयारीलगायतका विषयमा छलफल भइरहेको पार्टी प्रचार विभागले जनाएको छ।

पार्टीले स्थायी कमिटी बैठक माघ २८, पोलिटब्युरो बैठक माघ २९ र केन्द्रीय कमिटी बैठक माघ ३० देखि फागुन २ गतेसम्म बस्नेगरी बोलाएको महासचिव घनश्याम भुसालले जानकारी दिए।