होलीदेखिको विवाद बढ्दा कलंकीमा ‘ग्याङफाइट’: एक जनाको मृत्यु, १६ जना पक्राउ

फागुपुर्णे (होली) देखि सुरु भएको विवादले कलंकीमा एक जनाको ज्यान लिएको छ। सोमबार बेलुका साढे ७ बजे काठमाडौँ महानगरपालिका १४ खड्का गाउँस्थित सडकमै दुई समूहबीच ग्याङफाइट चलेको थियो। 

घटनामा दोलखाको मेलुङ गाउँपालिका ४ घर भई काठमाडौँको चन्द्रागिरी नगरपालिका ७ बस्ने २३ वर्षका अभय भन्ने अबे तामाङको ज्यान गएको छ। 

धारिलो हतियार तथा फलाम रडप्रहारबाट घाइते तामाङको उपचारको क्रममा राति नै मृत्यु भएको थियो। उनको हत्या अभियोगमा प्रहरीले १६ जनालाई पक्राउ गरेको काठमाडौँ प्रहरी परिसरका प्रवक्ता एसपी अपिलराज बोहराले बताए। 

बोहराका अनुसार होलीखेल्ने क्रममा पनि उनीहरूको विवाद भएको थियो। सोही विवाद बढ्दै जाँदा उनीहरूको त्यसपछि पनि विवाद जारी थियो। सोमबार दिउँसो सुरुमा उनीहरू कालुपाँडे डाँडामा पुगेर झगडा गरेका थिए। पछि फेरि उनीहरूको ग्याङफाइट चलेको हो।

पक्राउ पर्नेमा पर्साको सखुवा प्रसौनी गाउँपालिका १ घर भई हाल काठमाडौँको नागार्जुन नगरपालिका १० सुइचाटार बस्ने २१ वर्षका आशिष श्रेष्ठ, धादिङको गल्छी गाउँपालिका ५ घर भई हाल नागार्जुन ९ हसनटार बस्ने २१ वर्षका सुजन तामाङ, चन्द्रागिरी नगरपालिका १५ का २७ वर्षका राज अर्याल,सिन्धुलीको कमलामाई नगरपालिका ११ का  २० वर्षकाा डेनियल विश्वकर्मा, सर्लाहीको बागमती नगरपालिका ५ का २० वर्षका निश्चल ब्लोन तामाङ, सुनसरी, घर भई हाल कलंकी बस्ने १९ वर्षका सुशान श्रेष्ठ, धादिङ, सिद्धलेक गाउँपालिका ७ घर भई हाल नागार्जुन १० सुइचाटार बस्ने २३ वर्षका बिनय आले मगर र उदयपुरको ताप्ली गाउँपालिकाा ७ घर भई हाल ललितपुरको एकान्तकुना बस्ने २१ वर्षका खेमराज बहादुर मगर रहेका छन्। 

यस्तै गोरखाको गण्डकी गाउँपालिका १ घर भई हाल कलंकी बस्ने २२ वर्षका  रन्जित श्रेष्ठ, उदयपुरको ताप्ली गाउँपालिका ७ घर भई हाल कलंकी बस्ने २० वर्षका साङ्गे तामाङ,  सुइचाटारका २५ वर्षका अजित बुढाथोकी, सुइचाटार कै २५ वर्षका रोहित खड्का, नवलपरासी पूर्व, देवचुली ९ घर भई हाल चन्द्रागिरी १४ नैकाप बस्ने २० वर्षका प्रबिन झेडी, तनहुँको व्यास नगरपालिका १० घर भई हाल चन्द्रागिरी नगरपालिकाको विष्णुदेवी बस्ने १९ वर्षका गौतम कमर जोगी, सुनसरीको धरान उपमहानगरपालिका ७ घर भई हाल काठमाडौँको  पुरानो नैकाप बस्ने २२ वर्षका प्रवेश गुरुङ र काठमााडौँको लक्षिणकाली बस्ने २२ वर्षकाा डेबिड घले रहेका छन्। 

अझै केही फरार रहेको प्रहरीले जनाएको छ। पक्राउ परेका १६ जनालाई जिल्ला अदालत काठमाडौँबाट ५ दिन म्याद लिएर प्रहरीले अनुसन्धान अगाडि बढाएको छ।