सरकारले सामाजिक सञ्जाल बन्द गर्न लागेको हो? शंकर पोखरेलले गरे यस्तो संकेत

सत्तारुढ नेकपा (एमाले)का महासचिव शंकर पोखरेलले सामाजिक सञ्जाल बन्द हुनसक्ने संकेत गरेका छन्। 

आज उनले सामाजिक सञ्जाल फेसबुकमा एक स्टाटस लेख्दै दर्ता हुन नआएका सामाजिक सञ्जालहरू बन्द हुनसक्ने संकेत गरेका हुन्। 

उनले लेखेका छन्, ‘सामाजिक संजाल बन्द भइ नखुल्दासम्म त्यसले खलबल्याइदिएका असल सामाजिक परम्पराहरू पुनर्स्थापित गर्ने कोसिस गरौँ। सुखद अनुभूति हुनेछ!’

नेपालमा दर्ताबिनै सञ्चालनमा रहेका भन्दै सरकारले सबै सामाजिक सञ्जाललाई दर्ता हुन हिजोसम्मको समय दिएको थियो। 

• फेसबुकसहित सामाजिक सञ्जाल दर्ता गर्ने आज अन्तिम दिन, कुनै पनि आएनन् सम्पर्कमा

तर, यस अवधिसम्म कुनै पनि सामाजिक सञ्जाल दर्ताको लागि सरकारको सम्पर्कमा आएका छैनन्। आफ्नाे आह्वानलाई बेवास्ता गरेका सामाजिक सञ्जाललाई सरकारले अब के गर्छ, आम नागरिकले चासाेका साथ हेरेका छन्।

सरकारले यही भदौ १२ गते सार्वजनिक सूचना जारी गर्दै अहिले नेपालमा चलिरहेका र नेपाल आउने तयारी गरिरहेका सामाजिक सञ्जाललाई अनिवार्य दर्ताका लागि भन्दै सातदिने सूचना निकालेको थियो। 

• इजाजत नलिएका सामाजिक सञ्जाल र ओटीटी बन्द गर्न सर्वोच्चले खोलिदियो बाटो

• फेसबुकसहित सामाजिक सञ्जाललाई सरकारले भन्यो: ७ दिनभित्र दर्ता गर्नू, गुनासो सुन्ने मान्छे तोक्नू

• सामाजिक सञ्जाल सात दिनभित्र सूचीकरण नभए नेपालमा निष्क्रिय (मन्त्रिपरिषद्का १० निर्णय)