युनिकोड
नेपाली कम्युनिष्ट पार्टीले आज काठमाडौँमा पार्टी एकताको अन्तिम सन्देश सभा गर्दैछ।
माओवादी केन्द्र, एकीकृत समाजवादीसहितका झण्डै डेढ दर्जन वामपन्थी दल मिलेर बनेको नेकपाले देशव्यापी रूपमा आयोजजना गरेका सन्देश सभाहरूको श्रृङ्खलाको अन्तिम कडीको रुपमा आज काठमाडौँमा बृहद सभा गर्न लागेको हो।
बागमती, उपत्यका विशेष र सम्पर्क समन्वय प्रदेशको संयुक्त आयोजनामा भृकुटीमण्डपमा हुने सभा बिहान ११ बजेदेखि सुरु हुने नेकपाले जनाएको छ।
सभामा नेकपाका संयोजक पुष्पकमल दाहाल प्रचण्ड, सह–संयोजक माधवकुमार नेपालसहितका नेताले सम्बोधन गर्ने कार्यक्रम छ।
नेपाली कम्युनिस्ट पार्टीले मधेस, गण्डकी, कोसी, लुम्बिनी, कर्णाली र सुदूरपश्चिम प्रदेशमा त्यस्ता सभा गरिसकेको छ।
सुरुमा बागमती प्रदेशको हेटौँडामा मङ्सिर २३ गते गर्ने भनेको सभा नेकपाले काठमाडौँमा सारेको हो।
प्रतिक्रिया