युनिकोड
नेपाली कम्युनिस्ट पार्टी (नेकपा) ले राष्ट्रिय सभा निर्वाचनमा मतभारअनुसार सिट बाँडफाँट हुनुपर्ने अडान लिएको छ।
मंगलबार बसेको नेकपाको परामर्श बैठकपछि निर्णय सार्वजनिक गर्दै नेता प्रकाश ज्वालाले यससम्बन्धी सम्पूर्ण निर्णय गर्ने जिम्मा पार्टीका संयोजक पुष्पकमल दाहाल ‘प्रचण्ड’ र सहसंयोजक माधवकुमार नेपाललाई दिइएको जानकारी दिए।
नेता ज्वालाका अनुसार सम्भव भएसम्म नेपाली कांग्रेस, नेकपा एमाले र मधेसकेन्द्रित दलहरूसँग सहकार्य गरेर अघि बढ्ने नीति पार्टीले लिएको छ। ‘सम्मानजनक सहमति बनेमा एकताबद्ध भएर जानेछौं,’ उनले भने।
उनले मतभार जुन छ, त्यसकै आधारमा सिट संख्या तय गर्नुपर्ने सुझाव पार्टीको रहेको स्पष्ट पारे। ‘मतभारले जति संख्या तान्छ, त्यहीअनुसार जाने हाम्रो अडान हो,’ज्वालाले बताए।
प्रतिक्रिया