नेपाल सरकारले करिब १० टन मानवीय सहायता राजधानी काबुलमा अफगानिस्तानलाई हस्तान्तरण गरेको छ।
अफगानिस्तानको राजधानी काबुलस्थित संयुक्त राष्ट्रसंघीय नियोगमा एक कार्यक्रमबीच उक्त मानवीय सहायता हस्तान्तरण गरिएको हो।
परराष्ट्र मन्त्रालयकी सहसचिव सेवा लम्सालले संयुक्त राष्ट्रसंघका काबुलस्थित नायव स्थायी प्रतिनिधि रमिश अलकबरोबलाई सहायता सामग्री हस्तान्तरण गरेकी हुन्।
सहायता हस्तान्तरण कार्यक्रममा बोल्दै सहसचिव लम्सालले मानवीय संकटसँग संघर्ष गरिरहेका अफगानी जनताका लागि मानवीय सहयोग गरिएको बताइन्।
त्यस अवसरमा राष्ट्रसंघका नायव स्थायी प्रतिनिधिले नेपालले अफगानिस्तानका जनतालाई दिएको मानवीय सहयोगका लागि धन्यवाद दिए।
राष्ट्रसंघले अन्य मुलुकबाट पनि यहाँको मानवीय संकट तथा भोकमरीको अवस्था हेरेर सहयोग गरिरहेको बताए।
राष्ट्रसंघ महाशाखा प्रमुख समेत रहेकी प्रवक्ता लम्सालले नेपालले अर्को मुलुकमा चार्टर्ड विमान नै पठाएर पहिलो पटक मानवीय सहयोग गर्न पाउँदा खुशी लागेको बताइन्।
'अरु मुलुकबाट हामीले संकटका बेला सहयोग लिने गरेका छौँ', उनले भनिन्, 'हामी पहिलोपटक यसखाले सहयोग गर्न पाउदा निकै खुसी छौँ।'
Shares
प्रतिक्रिया