प्रभु साह समर्थित कवाड व्यवसायीले गरे बालेनविरुद्ध प्रदर्शन (तस्बिरहरू)

कवाड व्यवसायीले काठमाडौँ महानगरपालिकाका प्रमुख बालेन्द्र शाह (बालेन) विरुद्ध प्रदर्शन गरेका छन्।

प्रभु साहको दल आम जनता पार्टी समर्थित कवाड व्यवसायी संघर्ष समितिको अगुवाइमा उनीहरूले प्रदर्शन गरेका हुन्। 

महानगरपालिकाले व्यवसायबाट विस्थापित गराउन अनावश्यक दुःख दिएको भन्दै उनीहरूले महानगर प्रमुख शाहविरुद्ध नाराबाजी तथा प्लेकार्ड प्रदर्शन पनि गरेका थिए।

काठमाडौँ महानगर प्रहरीले कवाड व्यवासायीलाई दुःख दिएको, हातपात गरेको, कुटपिट गरेको र गाली बेइज्जती गरेको भन्दै उनले गुनासो गरे। अदालतते कवाड नहटाउन आदेश दिए पनि महानगरले त्यसको पालना नगरेको उनीहरूको आरोप थियो। 

विरोधका क्रममा उनीहरूले सांस्कृतिक झाँकीहरू पनि प्रदर्शन गरेका थिए।