रवि रिहा हुनासाथ संसदीय छानबिन समितिका सभापति सूर्यले गरे यस्तो ‘खुलासा’

सूर्यदर्शन सहकारी ठगी प्रकरणका बिहीबार कास्की जिल्ला अदालतले दिएको आदेशबमोजिम ६५ लाख रुपैयाँ धरौटी बुझाएर राष्ट्रिय स्वतन्त्र पार्टी (रास्वपा) का सभापति रवि लामिछाने रिहा भइरहँदा संसदीय छानबिन विशेष समितिका सभापति सूर्य थापा भने ‘सहकारीको रकमबाटै गोरखा मिडिया नेटवर्कमा ७५ लाख रविको सेयरबापत भुक्तानी गरेको खुलासा’ गरिरहेका छन्।

जिल्ला अदालत कास्कीका न्यायाधीश नितिज राईको इजलासले रविसहित सूर्यदर्शन सहकारी ठगीमा पक्राउ परेका सातै जनालाई धरौटीमा रिहा गर्न आदेश दिएको हो। 

उक्त आदेशमा रवि लामिछानेबारे लेखिएको पृष्ठको तस्बिर सामाजिक सञ्जालमार्फत सार्वजनिक गर्दै संसदीय छानबिन विशेष समितिका सभापति थापाले माथि उल्लिखित ‘खुलासा’ गरेका हुन्।

उनले लेखेका छन्, ‘सहकारीको रकमबाटै सुरुमा गोरखा मिडिया नेटवर्कमा ७५ लाख रवि लामिछानेको सेयरबापत भुक्तानी गरेको खुलासा।’

हेर्नुहोस् सूर्य थापाको पोस्ट-

 

सूर्य थापाकै संयोजकत्वको संसदीय छानबिन समितिको प्रतिवेदनबमोजिम रविविरुद्ध सहकारी ठगी आरोपको अनुसन्धान प्रक्रिया अघि बढाइएको थियो। 

• रविबारे अदालतको आदेश- तत्काल प्राप्त प्रमाणबाट अहिले नै कसुरदार रहेनछन् भन्न सकिएन (पूर्ण पाठ)
• रुपन्देही, पर्सा, चितवन र काठमाडौँबाट पनि यस्तै आदेश आउने माओवादी नेताको आशा