घोराहीबाट आधा किलो सुनसहित एकजना पक्राउ

दाङको घोराहीमा आधा किलो सुनसहित प्रहरीले एक जनालाई पक्राउ गरेको छ। घोराही उपमहानगरपालिका १४ मिलन चोक बस्ने २५ वर्षका रन्जित रसाईली ४९७।०४ ग्राम सुनसहित पक्राउ परेका हुन्।

लु ४६ प ६१६१ नम्बरको मोटरसाइकलमा अबैध रुपमा सुन ल्याउँदै गरेको सूचनाका आधारमा प्रहरीले ट्राफिक चोकमा केचजाँच गरेको थियो।

चेकजाँचको क्रममा रसाइलीको साथबाट २ वटा सिक्री र सुनको सानो डल्लो फेला परेको जिल्ला प्रहरी कार्यालय दाङका सूचना अधिकारी डीएसपी चक्रबहादुर शाहले जानकारी दिए।

रसाईलीमाथि थप अनुसन्धान भइरहेको प्रहरीले जानकारी दिएको छ।