युनिकोड
धादिङको थाक्रे गाउँपालिकाले शिक्षकसहित जनप्रतिनिधिका सन्तानलाई सामुदायिक विद्यालयमा पढाउन उर्दी जारी गरेको छ।
गाउँपालिकाले सबै जनप्रतिनिधि, सबै विद्यालय व्यवस्थापन समितिका पदाधिकारी, सबै शिक्षक अभिभावक संघका पदाधिकारी र सबै सामुदायिक विद्यालयका शिक्षक तथा विद्यालय कर्मचारीहरुमा यो उर्दी जारी गरेको हो।
गाउँपालिकाका वरिष्ठ विद्यालय निरीक्षक दुर्गा देवी खड्काले सामुदायिक विद्यालयमा अनिवार्य भर्ना गरी पढाउन उक्त सबैमा उर्दी–पत्र जारी गरेकी हुन्।
गाउँ कार्यपालिकाको कार्यालयको ७ गते बसेको बैठकले सो निर्णय गरेको खड्काले बताइन्।
उनले भनेकी छिन्, ‘यस थाक्रे गाउँ कार्यपालिकाको कार्यालयको मिति २०८२ /०१/०७ गतेको १४०औँ बैठकको निर्णयानुसार यस गाउँपालिकाका जनप्रतिनिधि, विद्यालय व्यवस्थापन समिति, शिक्षक अभिभावक संघका पदाधिकारी र सामुदायिक विद्यालयमा कार्यरत शिक्षक तथा विद्यालय कर्मचारीहरुले आफ्नो सन्ततिहरुलाई अनिवार्य रुपमा सामुदायिक विद्यालयमा भर्ना गरी पढाउनुपर्ने निर्णय भएको हुँदा सोहीअनुसार गर्नु गराउनुहुन सबैमा जानकारीका लागि आदेशअनुसार अनुरोध छ।’
प्रतिक्रिया