चिकित्सकको थप आन्दोलन: कार्यस्थलमा धर्नादेखि प्रमाणपत्र काउन्सिललाई नै बुझाउनेसम्म

विभिन्न माग राखेर आन्दोलनमा रहेका चिकित्सकहरूले आन्दोलनका नयाँ कार्यक्रम सार्वजनिक गरेका छन्। नेपाल चिकित्सक संघको बिहीबारको बैठकले आन्दोलनको नयाँ कार्यक्रमबारे निर्णय गरेको हो।   

संघका महासचिव डा सञ्जिव तिवारीका अनुसार  आन्दोलनका नयाँ कार्यक्रममा प्रमुख जिल्ला अधिकारीलाई ज्ञापनपत्र बुझाउने, कार्यस्थलमा १ घन्टा धर्ना दिने,  स्वास्थ्य संस्थामा आकस्मिकबाहेकका सबै सेवा बन्द गर्ने, मेडिकल काउन्सिल संकलन गरी प्रमाणपत्र बुझाउनेसहितका छन्।