पौडी खेल्दा बेपत्ता भएका ३० वर्षीय युवकको शव ३० फिट गहिराइमा भेटियो

पोखरा महानगरपालिका–१७ पावरहाउसस्थित फुस्रे खोलामा डुबेर बेपत्ता भएका एक युवकको शव फेला परेको छ। 

पौडी खेल्ने क्रममा बेपत्ता भएका पोखरा महानगरपालिका-५ प्रस्याङ बस्ने ३० वर्षीय प्रकाश त्रीपाठीको शव आइतबार फेला परेको प्रहरीले जनाएको छ। 

खेल्ने क्रममा नदीले खोलाले बगाउँदा उनी बेपत्ता भएका थिए।
    
घटनाबारे जानकारी पाएलगत्तै नम्बर २४ कालीका गण कास्कीबाट सशस्त्र प्रहरी निरीक्षक विनोद पौडेलेको कमाण्डमा खटिएको गोताखोरसहितको सुरक्षा फौजले उनको शव घटनास्थलको करीब ३० फिट गहिराइबाट निकालेको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए।