हलेसीबाट फर्किँदै गरेको गाडी जयरामघाटमा भिरबाट खस्यो

हलेसीबाट फर्किँदै गरेको गाडी आज बिहान खोटाङ र ओखलढुंगाकाे सीमा नजिक जयरामघाटमा दुर्घटना भएको छ।

सिराहाबाट रिजर्भ लिएर गएको उक्त विङ्गर गाडीमा १७/१८ जना तिर्थालु  सवार रहेका प्रहरीले जनाएको छ। 

गाडी भिरबाट करिब डेढसय मिटरतल खसेर दुर्घटना भएकाे हाे। प्रहरी उद्धारका लागि अहिले घटनास्थलमा पुगेको छ।  

घाइतेलाई ओखलढुंगा र कटारीतर्फ पठाउने काम भइरहेको पनि प्रहरीले जनाएको छ। दुर्घटनाको विस्तृत विवरण आउन बाँकी छ।