युनिकोड
सुनसरीको कोसी गाउँपालिका-८, भिमनगरबाट प्रहरीले नक्कली नोटसहित दुई जनालाई पक्राउ गरेको छ।
सोमबार राति प्रहरीले साथबाट नेपाली १ हजार दरका ३८ थान नक्कली नोट बरामद भएको इलाका प्रहरी कार्यालय भाण्टाबारीले जनाएको छ।
पक्राउ पर्नेमा सप्तरीको हनुमान कंकालिनी गाउँपालिका-१ का २५ वर्षीय राजेश चमार रजक र सोही गाउँपालिका-२ का २५ वर्षीय राजेश कुमार रजक रहेका छन्।
इलाका प्रहरी कार्यालय भाण्टाबारीबाट खटिएको प्रहरी टोलीले लु ९२ प २३८० नम्बरको मोटरसाइकलमा सवार उनीहरूलाई चेकजाँच गर्ने क्रममा नक्कली नोटसहित फेला पारी पक्राउ गरेको हो।
प्रहरीका अनुसार पक्राउ परेकाहरूमाथि आवश्यक अनुसन्धान भइरहेको छ।
प्रतिक्रिया