तरकारी बोक्ने जीप दुर्घटना हुँदा एकको मृत्यु, आठ घाइते

धादिङमा आइतबार भएको जीप दुर्घटनामा एक जनाको मृत्यु भएको छ। ८ जना घाइते भएका छन्।

मलेखु बजारबाट तरकारी बेचेर फर्केका किसानहरु चढेको बा. १ क ८७३६ नम्बर जीप बेनिघाट रोराङ ४ आरन भञ्ज्याङमा दुर्घटनामा परेको हो। जीप सडकबाट करिब ४ सय मिटर तल खसेको प्रहरीले जनाएको छ।

प्रहरीका अनुसार दुर्घटनामा ज्वालामुखी १ देविटारकी सरु बस्यालको घटनास्थलमै मृत्यु भएको हो।

गम्भीर घाइते ३ जनालाई थप उपचारका लागि काठमाडौंस्थित ट्रमा सेन्टर पठाइएको छ भने ३ जनाको राजमार्ग सामुदायिक अस्पताल मलेखुमा उपचार भइरहेको छ। सामान्य घाइते २ जनालाई प्राथमिक उपचारपछि घर फर्केका छन्।